شنفرى آخر الزمان

صعلوك، لا مكان له في هذا العالم.

Archive for the ‘عام’ Category

عيب عليك، حسن نصر الله.

2 تعليقان

من ايام حرب تموز لما كنت تحارب العدو الاسرائيلي بدينا نحبك، لدرجة انك إذا خرجت على التلفزيون نسرع للبيت أو في المكتب لنسمع خطاباتك، وضعنا صورتك على سطح المكتب على الكمبيوتر فرحانين فيك، كانوا الطائفيين يستنكروا علينا و كنا نعزي أنفسنا بأنهم مجرد طائفيين، كانوا يتهمنوك بأنك متواطيء مع اسرائيل، كنا نخرس من يحاول مجرد اتهامك.

عيب عليك

من بداية الثورة، دعمت نظام الأسد ظنا منك انه هو من كان يدعمك، خرجت تنصره بخطاباتك فانصدمنا، بدأ النظام الاسدي بقصف حمص و هدها فوق رؤس اصحابها، خرجت في خطابك تنفي ان يحدث هذا و نحن نعرف انه لديك نظام استخباراتي قوي، و صدقتك، و كانت اخر مرة بصدقك فيها ، لانه بعد اسبوع اعترف النظام على شاشته بدمار كبير في مباني حمص، الشي الذي انت نكرته و سخرت منه في خطابك، عندها عرفت انك شيخ كذاب.

هلأ جاي تقول ان سوريا هي بشار البلد، عيب عليك؟

سوريا هي الشعب السوري، يلي عنده كرامة، برأيك كان بشار الأسد بيدعمك لو كان الشعب السوري بيرفض ذلك؟
الشعب السوري الأبي، الحر يلي عندو كرامة هو سوريا، مو الجزء المنافق الذي يقف مع الظالم.
برأيك الشعب يلي عندو كرامة هو يلي بتخاف منو اسرائيل و لا الشعب المنافق الذي يقف مع الظالم؟

برأيك يلي عم ينقصف من الشعب السوري بهالاسلوب الهجمي و يلي انت شايفو و عم تكذب فيه، هو يلي رح ياكل الاسرائيليين اكل بسنانو، و لا الجزء من الشعب يلي مذلول و اقف مع الشبيحة و رجال الأمن؟

هاد الشعب يلي بعتلو “مخلوف” عينة منو على حدود اسرائيل وصولوا على مجدل شمس، و تأكدت اسرائيل انو النظام الأسدي هو يلي بيحمي اسرائيل من الشعب السوري، من الشعب يلي عندو كرامة، هدول كانو رفقاتنا رفقاتنا يلي عم ينقصفوا هلأ.

عند جد عيب عليك
هلق جاي تقول سوريا هي بشار الأسد، و هي رجال الأمن، و بتحيي الشعب السوري (يلي واقف مع بشار الاسد).
شكلك طائفي متطرف مثل كل هالطائفيين يلي كنا عم نسكتهم، سودت وشنا الله يسود وشك.

عيب عليك تفه.

Advertisements

Written by shanfara

2012-07-24 at 00:13

أرسلت فى عام

Tagged with

توقع: تشويش على الجزيرة و الحوار

2 تعليقان

لفت نظري اعلان على القناة السورية “تتعرض السورية الاخبارية للتشويش و يمكن مشاهدتها على التردد التالي 11390 شاقولي”

التردد الحالي للقناة السورية عندي هو 11823 و هو مستعمل لقنوات الجزيرة و الحوار أيضا، و لأن التشويش يتم على الباقة بشكل كامل، فإنه سيمس القناة السورية أيضا، فهمتوها و لا اشرحها الكم :D.

لاحظت أن الجزيرة تتعمد اخذ باقة من الباقات الحكومية، لذلك لا تستطيع الحكومة التشويش على الجزيرة، ستضطر السورية الانتقال إلى باقة أخرى، و ستلحقها الجزيرة مرة أخرى لنفس الباقة، أرجو أن تكون الحوار على نفس النفس.

بس عندي سؤال، من الأحمق الذي يرغب بالتشويش على القنوات السورية و خاصة الاخبارية، ربما العصابات المسلحة الارهابية ؟؟؟!!!

قبل ما اعمل بوست، بحثت
http://ejabat.google.com/ejabat/thread?tid=60c6120bd8772693
http://ejabat.google.com/ejabat/thread?tid=444df940d1c391df

Written by shanfara

2012-01-06 at 23:53

قرأت: قتل و تمثيل بجسد الضحايا مرتين

leave a comment »

المقالة جميلة، اقرأها بالكامل على “مدونة مواطنة سورية”

http://syrians4change.wordpress.com/2011/12/26/قتل-و-تمثيل-بجسد-الضحايا-مرتين/#more-546

Written by shanfara

2011-12-27 at 02:20

أرسلت فى عام

رسالة علي فرزت

leave a comment »

Written by shanfara

2011-12-27 at 00:42

أرسلت فى عام

يا سسسسلاااام!!!

leave a comment »

منطقة عازلة من الشمال و منطقة عازلة من الجنوب احتلال مزدوج (رح ندفى و الله)) يا سسسسلاااام!!!

تجفيف منابع الحياة للنظام بالعقوبات، نعم النظام يتغذى على الشعب، فلنتقل الشعب فيموت النظام يا سسسسلاااام!!!

تدخل خارجي، أمريكا و الناتو يأتوا إلى سوريا، بحاجة إلى بعض الخونة من السوريين من يساعدهم على بسط نفوذهم، من أكثرهم ملائمة من الشبيحة، يا سسسسلاااام!!!

من أغبياء النظام إلى أغبياء المعارضة يا سسسسلاااام!!!

زعيم المعارضة (برهان غليون) سوف يوقف دعم حماس و حزب الله يا سسسسلاااام!!!

العلمانيين بعد ما فلقونا بكلمة الحرية و الديمقراطية، الآن غيروا رأيهم بعد ماشافوا الديمقراطية جابتلهم البعبع، اي، و السنين يلي فلقتونا فيها وين راحت، و لك يا سسسسلاااام!!!

عصيان مدني يعني إضراب و تسكير محلات، عصيان حكومي يعني ضرب بالعصي و اعتقالات و تسكير محلات!!!.

القتل على الهوية و الاعتقال على الهوية و المازوت على الهوية، لك شي بيهوي.

Written by shanfara

2011-12-04 at 01:04

أرسلت فى عام

Tagged with

شركات المراقبة و الحجب في امريكا

leave a comment »

Written by shanfara

2011-10-19 at 23:39

أرسلت فى عام

تعليق: حلقة الاتجاه المعاكس اليوم

leave a comment »

يا إلهي كيف يستطيع الناس متابعة هذا البرنامج، مع احترامي لمقدم البرنامج فيصل القاسم.
واحد من المعارضة السورية و واحد من النظام الحاكم
إذا كانت هذه هي المعارضة بصراحة خلينا على هذا النظام، لأنه سنصبح من تحت الدلف لتحت المزراب.
صحيح، بين حانا و مانا ضاعت لحيانا.

Written by shanfara

2011-10-11 at 22:48

أرسلت فى عام

Tagged with